ثلاثة ضد واحد
اضغط هنا لترى الصورة بحجمها الطبيعى
وأنا امشي على شط البحر وصل صوته يناديني حبيبي والتقت
نظراتنا بعد طول البعاد
فنفس المكان الي ذرف معنا دمعات الوداع باّخر ميعاد
شي غريب إني أحس بفرح لشوفته معقوله يصحى حب ناره
انطفت وصارت رماد
كنت أحسب إن حبي له بقلبي مات وأثر حبه بقلبي
غافلني وزاد
وعيون قلبي خانتني وناظرت يمه وقالت له هلا بك ياغلاي
تعال أكتحل بشوفتك ترا فبعدك أرقني السهاد
ومن عقب فرقاك ياحبيب الروح ماهنالي وربي رقاد
وفي بعادك ياعمري ماعرف قلبي طعم السعادة
ولا ذاق من الفرح زاد
كنت أظن أشواقي غابت واكتشفت إنها صارت زروع
وأورقت وصارت لها ثمار
قال لي : أنا اسف حبيبي أنا ما أسوى بدونك ولجلك أنا راد
أبيك يابعد دنياي وما أبي غيرك وربي يجمع شملنا
ويحقق لي المراد
ارجعي لي ياغلاتي وخلي حبنا مضرب مثل مثل ماكان
وحبنا يقهر الحساد
اضغط هنا لترى الصورة بحجمها الطبيعى
زغرد القلب وفرح لكن زغاريدة صحت أجراح اصهلت
كنها خيول جامحة ماتنتروض ولا تنقاد
وأسراب طيور الهجر بدون جنحان صارت بعقلي حـايمه
وأهداب عيني وسط دمعاتي الغزيرة عايمة
وش الي جابك حبيبي تحفر بأرض المشاعر الي دفنت
فيها ألغام الجروح وتبي تثور براكين خامدة
بس قلي وش سر ذيك العيون الي بطرفها والله صرت ذايبة
أشعلت برجعتك نار الحب وأحزان وجروح
وعصفت بقلبي مشاعر غريبة و متناقضة
وبين إيه لبيه يابعد كلي أبيك وبين ابعد ما أبيك خلك بهجرك
صرت أنا فنفسي حايرة
وناظرت صوب البحر وهوشعربي وبعجل أرسل لي موجه توشوشني
وتقول : ياعنيدة تحبينه ودقات قلبك تراها لك فاضحة
رفعت راسي وهي عادتي لا بغيت أداري دمعتي وأنا شامخة
وناظرت يم السما ولقيتها لحوارنا هي بعد سامعة
وكتبت لي بنجومها على صفحة سحب بيضا يابنت تراك له عاشقة
وقلبك بحبه غريق وعيونك برمشه هايمه
وحضرت رغم الحزن بشفتي بسمة حب ووله صافية
السما والبحر والحب صاروا ثلاثة ضد واحد فأعلن الحب على
الجرح انتصاره وانا بهذا الفوز سعيدة و راضية
تعال ياعديل الروح قرب ترا روحي لروحك فاقدة
وفبعدك حبيبي والله ثم والله أنا ضايعة
وشعلت الحب زادت بيننا وصارت أشواقنا نار قايدة
وعيون السما والأرض والبحر على عهود حبنا كانت شاهدة
وهمس باذني نظر عيني هاتي يدك تراني للمسها مشتاق وفلحظة
كانت الخمس بالخمس متشابكة
فتحت عيني بعد طرفة وانا خايفة لا يغيب عني ويكون ذاك
كله حلم أنا بيه حالمة
وتلاقت عيوني بعيون الحبيب ومحيت كل السنين
الي كنت أنا له فيها مفارقة
