فى مره من المرارير وسنى وقتها مكنش كتير يادوب كنت سبع سنين وكان صابح اول ايام الاسبوع فى المدرسه
وقاعد مع عائلتى الكريمه
كنت قاعد
قاعده عائليه خالص
كنت طفل برئ
هادى وبيسمع الكلام
وفى اليوم ده والليله العائليه دى
طقت فى دماغى اشرب كركديه
لكن الوليه امى وقفتلى زى القلم الرصاص المقصوف وقالت
كرييييم احنا مش قولنا الكركديه ممنوع باليل ولا انت عاوزني اسيح قدام اخواتك
احمرت خدودى واتكسفت وقولتلها متخافيش مش هشرب منه كتير
والنبي ياماما ابوس ايدك اعملى كركديه
نطقت اختى كغيمه وقالت بصوت عالى يعيش كغيم مدمن الكركديه يعيش يعيش
بعد محيلات كتير وافقت امى وعملت حفلة كركديه ساقع ولذيذ
وبما ان الكركديه مشروب ساقع وبينعنش اللذيذ الى جواك عند معظم الناس الا انا كان بيعملى سيوله وترخى فى الاعصاب
ولازم بعدها افضي التانك كل شويه
بعد مابلبعت كوبايه ورا كوبايه اتغلب عليا النوم وذهبت الى سريري جمب اخويا كرم العبيط
ونمت نوووووم عميق
صحيت الصبح وكالعاده المره لقيتنى غارق فى بحيرة ناصر
ينهار ملحوس على وشك ياكريم امك لو عرفت انك عملتها هتاخدلك شبشبين محترمين
ومش بعيد تلسعك بالكبريت ياض ياكيمو وتمشي زى البطه العارجه
لا لازمن اشوف حل
حل كده فى السخان
اشطه تاهت ولقيتها
بما ان الواد اخويا كرم عبيط واهبل ومش بيفهم روحت جبت كوبايه مايه كبيره ودلقتها على بنطلونه وقومت وغيرت هدومى ورميتها من منور بيتنا عشان اخفى اثار الجريمه
لكن المصيبه الكبري انى فتحت الدولاب بتاعى وملقتش بوكسر نضيف
مش عارف انا لازمة امى ايه فى البيت المنيل ده
فكرت كتير واحتارت كتير ومش باقى على قصدى المدرسه الا القليل
ايه العمل ياض ياكيمو
لفيت الفوطه على وسطى واتسحبت على صوابعى زى راقصين الباليه ودخلت اوضة اختى
وفتحت دولابها وسحبت بوكسر من بوكسرتها
ولبست واستعديت للنزول
اتسحبت من قدام المطبخ عشان مش تشوفنى امى
بس على مين
جابتنى من افايا وسقيتنى كوباية اللبن بالغصب كالعاده المره
وكمان دستلى سندوتشات المفتئه فى شنطة المدرسه ونص جنيه مصرفى
وبوسه امويه من شفايف مامى
ومع السلامه ياضانيا ربنا يحميك
ركبت الهوا وروحت على مدرستى
عدت الحصه الاولى وجت التانيه ودخل علينا المشرف يقولنا اقعدوا ساكتين عشان استاذ بيومى مش داخل الحصه انهارده
فرحنا وكلنا قولنا هيييييييييييييه
وقعد انا واصحابي نلعب صلح
لكن فجأه
دخلت علينه وليه لابسه ابيض فى ابيض
وفى ايدها
مصاصات
كنت فاكر انها مصاصات ونت فاكر مان انها ساحره طيبه الى بتحب العيال الصغننين الى زينا
لكن اتصدمت اول ماعرفت انها الحكيمه الى هتدينا التطعيم
ينهار مدوحس هنتشكشك
ومش اى شكشكه
كله هيخلع وهنتشكشك فى الحته الطريه
تصورت الموقف المزعج ده ومن شدة خوفى فقدت شفتاى اعصابها وسال لعابي وتفنجلت عيونى
تطعيم
اااااااه
غالبا بيبدأو بالبنات
طلبوا مننا نرزع راسنا ع الدسك ومنبصش قدامنا والى هيرفع هياخد بلحه ع دماغه من استاذ ابو راسين
مع ان روتانا قالت مش هتقدر تغمض عنيك
بدأت البنات يشكشكوهم قصدى يطعمهم والاصوات الله ينور ايشي صوت عرسه وايشي صوت باب بايظ وايشي صوت سرينا
وجه الدور علينا يارجاله
وبدانا نتشكشك واحد ورى التانى وجه عليا الدور اخيرا
وخلعت بنطلونى
سمعت صوت ضحكات ساخره من زمايلى ويشاوروا عليا ويضحكوا فيه ايه ياعيال ايه ؟؟؟؟
استوعبت اخيرا الموقف الى انا فيه
ومكنتش عارف اتصرف وانا قدام زمايلى بالبوكسر الفوشيا المنقط بتاع اختى
ياللعاااااااااار
طبعا البنات الفضولين رفعوا راسهم من ع الدسكات والقوا نظره على الموقف ووقتها كنت بكلم الارض واترجها " يا ارض انشقي وقرقشينى "
وادى جزاء الى يلبس بوكسر مش بتاعه
