للزهقانين الطهقانين فقط
إيه مالك زهقان وطهقان ومش لاقي حاجة جديدة في النت ولا الشارع ولا البلد اقولك علي حل كويس ارمي نفسك من البلكونة
لالالالالا ولا بلاش يا عم اصلي كدا هاخد ذنبك في حل احسن وجامد طحن تعمل حاجه جديدة محدش غيرك عملها
اول حاجة رووووق دماغك وخليك معايا .
بص يا عم انتا تجيب ورقة وتكتب فيها شوية حاجات كدا هتظبطك وترجع تمام
اولا : افتح على قناة إخبارية صينية و تابع الأخبار، و هز راسك و اعمل نفسك فاهم.
ثانيا : اخترع لغة اي عبط يعني وكلم الناس بيها بحيث محدش يفهمك وده مفيد بردوا ياعم مش وحش.
ثالثا: روح اي مطعم وانتا بتاكل اقع علي الارض واعمل نفسك اسممت وهاتلهم مصيبة
رابعا : وانتا ماشي بالعربية اقف عند اي اشارة مرور واقعد شاور ع الناس وتضحك زي العبيط
بس اوعي تنسي تعلي الكاسيت علي الاخر ولو عندك جي ام يبقي احسن عشان تجبلهم تلوث سمعي
بس اوعي تركب حد في الكنبه اللي ورا ... علشان الجي ام.
خامسا : ادخل النادي الاهلي وانتا لابس فانله الزمالك او العكس
سادسا : اقطع تذكرة قطار درجة ثانية ورح احضر بيها ماتش الاهلي والزمالك
بس متنساش تاخد علم ريال مدريد معاك وانت رايح عشان تشجع .
سابعا : خلي اي واحد ماشي في الشارع بس تكون متعرفوش وتيجي رذعه علي قفاه بس اتوصي والنبي.
ثامنا : وانتا في الكليه يا سلام لو تنيم العجل بتاع عربيات الدكاترة.
تاسعا : وانتا ماشي في الشارع تقعد تسلم علي ناس متعرفهمش ولا عمرك شوفتهم وده حلو برده عشان الناس تعرف قيمتك .
عاشرا : تدي لواحد صحبك ميعاد في مكان وتروح تستناه في مكان تاني خالص .
واخيرا تقف عند نزلة الكوبري والعربيات نازلة بسرعة جامدة وتوقف تاكسي وتقوله معاكش فكة 10 جنيه يا عمو ؟؟؟
الراجل طبعا هيبتسملك ويقولك لاحبيبي .... لالالالا مش هيقول احنا هنكدب هيقول ( امشي ياض يا ابن
اطلع اجري وتعالي استخبي عندي
لالالالالا بلاش انا معرفكش ابعد عنى
هههههههههههههههه
