كلمات البوم بلاك تيما - بحار

كنا صغار

كنا صغار وكبار ومبينا كان اسرار
خدنا الطريق على فين ومشينا كام مشوار
الماضى فى عنيه وبعيش وانا بينكم
احلامى طفوليه وبشوفها بعيونكم
حلوة الدموع يا صحاب وانا لسه وسطيكم
ومفيش لاصور ولا باب ولارعشه فى ايديكم
نفسى فى ايدين مفيهاش
ولا عيون صافيه
انا ليه بقابل ناس تضحكلى بالعافيه
راجعين وانا راجع للمه على الناصيه واللعب فى الشارع
نضحك بحريه نفرح ولو لحظات ايامنا
يا صحابى بسمعكم وفى قلبى اشواقكم
ومهما قولتولى دايما بصدقكم

====================================
قول اه

مدايق من هدومك مدايق من همومك مدايق من مراتك
قول اه اه اه اه اه
مدايق من الزحام مدايق من الكلام مدايق من الزمالك مدايق من التكاتك
قول اه اه اه اه اه
مدايق من الاعلام مدايق من الاحلام مدايق من الكوابيس مدايق من الافلام
قول اه اه اه اه اه
مدايق من الرياضه مدايق من حماده مدايق من الاذاعه مدايق كل ساعه
قول اه اه اه اه اه
مدايق من البلاوى مدايق من الكماوى مدايق من السياسه مدايق من الحماسه
قول اه اه اه اه اه
مدايق من التفكير مدايق من الرغيف مدايق من الشويش من الكمياء فى الحشيش
قول اه اه اه اه اه

يا حبيبى تعالا الحقنى شوف اللى جرابى

مدايق من السلالم مدايق من الشتايم مدايق من الزراعه مايق من الصداع
قول اه اه اه اه اه

ايوة مدايق من الميدان مدايق من الللى فات مدايق من اللى عدى مدايق من اللى فات
قول اه اه اه اه اه
مدايق من الحصار مدايق من السلام مدايق والسلام
قول اه اه اه اه اه
مدايق من الربيع مدايق من الخريف مدايف من الظريف مدايق من السخيف
قول اه اه اه اه اه
مدايق من مديرك مدايق من ضميرك مدايق من الذهول مدايق من الكسوف
قول اه اه اه اه اه
انفلوانزا الخنازير انفلوانزا الطيور روح مستشفى الحميات وافتح بقك وقول
قول اه اه اه اه اه

يا حبيبى تعالا الحقنى شوف اللى جرابى

=========================================
بحار

بحار خايف من المشوار فى البحر وانت
بعيد الموج تملى يزيد ويخبى فى الاسرار
محبوب ومافكش اى عيوب مهما تغيب
ع العين نورك على الشطين حبك قدر مكتوب
وناس بتحب كل الناس صوتك يونسنى من نظره
تهوسنى وعنيك قمر من ماس
وبدور وبعدى اى بحور تندهلى وانا اروحلك
تحضنى وابوحلك ده الحب عصفور النور
محبوب ومافكش اى عيوب مهما تغيب
ع العين نورك على الشطين حبك قدر مكتوب

=========================================
انسان

انا مش فارس ولا فتى احلام
انا زحمه وربكه وشغل جنان
نصى بيضحك والتانى زعلان
انا شيخ فلتان
طيب شرير وجريء وجبان
اوقات مشرق واوقات بهتان
وساعات سلم وساعات تعبان
مفترى جدا وكمان غلباااان
شبابيك وبيبان توهة عنوان
انا ملاخر عفريت لابس بدلة انسااان

=========================================
ايه يعنى

ايه يعنى لما سبتينى
بشكل مش معقول
ما انا عايز اسيبك من بدرى
لكن مكسوف اقول
ماضيكى مش لطيف
و دمك مش خفيف
و شيطانك اللى جوا
حيوانك الأليف
رغم إن إنك بليدة
استاذة فى الخيانة
فاكره نفسك حويطة
و إنتى قى اولى حضانة
تتغذى ع الباتية
و عاملة بنت بيه
امال لو كنتى حلوة
كنتى عملتى ايه
مسكنتك خلت قلبى يدق
وقعت فى حبك ليه
انا حاسس إنى كنت بلؤ
فى جزمة حبك دى
صبرت عليكى كتير
و كنت فى حبى امير
و اعصر على نفسى لمونة
و اقول اشطه الأيام هتطير
كان حالتى تصعب ع الكافر
و كمان خسيت النص
فلوس و صحة فى النازل
من بعد ما كنت البوص
فرجتى عليا الناس
و خسرت اعز الناس
حتى البواب لما يشوفنى
بقى يقفل بالترباس

=======================================
انا عندى سر

انا عندى سر عندى سر خطير
انا عندى سر لازم يتشال فى بير
السر ان الحياة لازم تتعاش
واللى يكرهها مايستاهلهاش
وده يا ناس سرى
سرى الكبير
وكفايه تكون انسان
عندك حب وحنان
جرب عيشها بجنان
لكن متكونش جبان
وانا عندى سر ...
اللى افتكرته موسى طلع فرعون
واللى افتكرته حبى طلع بيخون
اللى عشقته فى خيالى
واللى سهرت الليالى
واللى اتمنيته يجى
ياريته ما جانى
وكفايه تكون انسان
عندك حب وحنان
جرب عيشها بجنان
لكن متكونش جبان
وانا عندى سر

====================================
زحمه المترو

فى وسط زحمه المترو لمحت ملاك فى عيونها
ونظره عينها خطفتنى لجوه عينها من لونها
ملامحها شبه حلمى ولون الخد لون ايدى
لاقتنى كانى بعرفها وبعشقها
لمحت البسمه خجلانه .. يامترو اصبر دى مياله
بتجرى بسرعه ليه دلوقت ..
ماتعطل حبه كالعاده
كفايه عذاب يامترو اتلم
دا 100 مشتاق ومشتاقه
محططاطك تجمعهم على قطبان ما تتلاقى

===================================
قالوا عالحب

قالوا عالحب قالوا عالحب قالوا قالوا عالحب
قالو علحب حاله نفسيه او مرضيه
واستهلاك للوقت واللى يحب
دا مواطن من الدرجه التانيه يتجنن ويشد
اسف جدا وازاى تبقى حياتى طبيعيه ولو لكلامكم استسلمت
ازاى اعيش من غير روح الطفوليه واحلف انى عمرى ما عشت
وانا قولتلهم امتى احس بكل حواسى وامتى حقول انى استمتعت
وبعيد عنكم فى الحب عرفت الحريه وانا منكرشى انى اتعلمت
اصلى بعيد عنكم قلبى محطه كهربائيه تفضل دايرة طول الوقت
كل ما احبوا اابعتلوا اشارة ضوئيه
يجى يضحكلى لما ضحكت
وانا فى بحورو اقوى من الفرحه الحقيقيه وترجعنى مهما بعدت
وازاى اعيش من غير الروح الطفوليه واحلف انى عمرى ماعشت

======================================
المجنون

كسر المجنون مرايته لما ملقاش صورتوا فيها
فخبطها بكعب اللى صدى سنين طويله
خسر الدنيا فى لحظه لما شاف بيت القصيده
كسف الكوكب فى لقطه اصل وسط بيوت فقيرة
هجرت الكلمات دماغوا الالم نمل صوابعوا
فوق لسانوا الحر عشش
نسر اصفر عجبكوا خرسوا
باشت البسمه فى ملامحوا
حلل السكه الطويله
باع حياتوا بضحكه صافيه
هدى بيها عيون حزينه

======================================
افلت زمام

افلت زمام امالك هتلاقى الكون قبالك
دى الفرحه هى لحظة يشبع فيها جنانك

مجنون والحب غايه
بحلم من غير نهاية
امانه يابحر طبطب
على شمس تكون مرايه
وافلت زمام امالك

وآه يا موج يا عالى
هعوم فيك مابدالى
ع الشط الحر ارسى
والقى جواب سؤالى
وافلت زمام امالك

انا صاحى انا صاحى
انا صاحى ورغم جراحى
هفرد قلبى وارفرف
والضم ليلى بصباحى

افلت زمام امالك
افلت زمام امالك هتلاقى الكون قبالك
دى الفرحه هى لحظة يشبع فيها جنانك

======================================
زحمه

اسأليني يا حبيبتي ع اللي داير في البلاد
اللي فيها صادروا حلمي وباعوا صوتي في المزاد
اسأليني عن ولاد شفتهم بعنيا دول
جربوا كل الحلول وبيفشلوا بالاٍجتهاد
احكي ليكي ألف قصة من حكاوي التعبانين
اللي عايش نص ميت واللي ميت من سنين
اللي نص كلامه كحة واللي شاف خمارة راحها
واللي اكل العيش دبحها دايرة دور ع السكرانين
زحمة زحمة زحمة زحمة
زحمة زحمة زحمة زحمة
اللي نامية وفيها ثروة م الفلوس تعمل جبال
واسأليني عن كباري نايمة تحتيها العيال
اسأليني ع الغلابة واسأليني ع التقال
اسأليني ع الديابة واسأليني ع الفساد
فعل وفاعل مفعول بيه
اعرب مجلس شعبك ايه
مجلس طبعا هو مضاف
شعبك هو المضاف اليه
واسأليني اشمعنى صابر ع المآسي الملهية
أقولك اني كنت واحد م الغلابة الأغبيا
اللي صبروا ف انتظار المعجزات والأنبيا
واللي فاق من وهمه فجأة لاقى كفر قوم عاد