هدية

هدية

************************

يا ريت عندي وااااااااااخ لو فيي
عقد حبي جبلك هدية
كنت بهديكي صبا الوردات وأسرار احلام أحلام أحلام طفولية
وكنت بتعمشق على النجمات بسحّب شلل خيطان فضية
وبكلّف ملايكة وحوريات تحيّكلك بلوزة ألوهية
وبالبحر وبالبحر كنت بغافل السمكات وبغطس متل فكر الحرامية
وبقطف زبد وبقطف زبد من رغوة الموجات ومن جدايل شمس مرخية
وبكمش وهج وبحولوا بوسات بلون أشواقي ماوردية
والطفل كنت بشلحوا البسمات وبغرف من عيونو صفا النية
وعرس الربيع بشلحوا الغنجات وكل شي معو لهتات عطرية
ومن كل طير بنتف الريشات وبفرش طريقك ريش حرية
وعالمروج بسابق النحلات بجبلك ضمير زهور بكرية
وبطير مع احلام الخيالات ع بلاد مدري وين مبنية
وبجدلك من سوالف الغيمات مرجوحتك على كتاف جنية
وبغزلك شراشف من الهمسات وفراش من قلبي نعومية
و جودله من السحر ومخدات من شعر آآآآلهة الفنيقية
وبرش ع جفونك هنا الغفوات المحروم منها حصا عينيي
و خلّي الحلم يحكيلك حكايات عن حالك لحالك غرامية
هيهات لو عندي فعل هيهااات عقد ما عندي انا نيه
احولك انتي انا بالذات وبلبسك روحي الطبيعية
لكن اذا فشلو التمنيااات و عمري و عمري استسلم للعبودية
بترك مني إلك تلات كلمات محبتي و الااااااااه و النهداااااات
من القلب للقلب ياللي حبك هدية يا ريت عندي و آآآآآآآآآآخ لو فيي