tota barby
مشرف
الرتبه : 
الوسام : 
 عدد الرسائل : 1031
العمر : 32
العمل/الترفيه : طاااااااااااااالبه
المزاج : جاااااااااااااااااااااااااااااااااااااااااامد طحن
الدوله : 
المزاج : 
تاريخ التسجيل : 25/07/2010
 | | موضوع: حد يقولي ايه الي بيحصل الإثنين أغسطس 02, 2010 8:09 pm | |
|
********
الواحد مش عارف ايه اللى بيحصل اليومين دول
وايه اللى جرى ........للولاد والبنات؟؟
بلا نيله على الولاد............وستين واكسه
على البنات
********
بجد يا حلاوة يا ولاد على.............
الطعامة واللذاذة....... وقله الادب اللى الواحد بيشوفها كل يوم
قال ايه البنات ....الاقى كل واحدة منهم
عايزة قطم رقبتها
ماشيه تتاصع فى الشارع وهز يا وز ....والله
الوز استعر منهم ......ما اتعدلى رجلك الملووحة منك ليها
ايه يا بنتى المشية دى...ترد تقولك دى مشية
"الكات ووك".... يخرب عقلك انت و الكات
وحياتك انتى..... دى مشية " الكيت كات
"مش.... الكات " وبعدين انتى هتنونوى فيها ؟؟
********
شويتن الاقى التانيه ماشيه وهاتك يا ندغ
باللبانه....... وطرقعة وتعملك بالونه
وصوتها جايب اخر الشارع يا شيخة ........لمى
بقك المفتوح على البحرى ده زى السيد قشطة
شويه كمان الاقى الست هانم .......واقفة مع
شاب فرفور وحاطه ايدها حوالين رقبته
سيدى يا سيدى
وهاتك يا مياصة ودلع فى الكلام....... شويه
باباه وماماه وهى بنت البواب بتاع العمارة
وقال ايه البت عامله نفسها بنت ناس اوى
ورقيقه
طيب انكشها كده وشوف ايه اللى هيحصلك ......
اما سمعت صوت....... ولا نهيق الحمار ما بقاش انا
*********
المصيبه بقى ان كل ده ....... بقى عادى
......لكن الكارثه انك تلاقى البنت من دول واقفة فى البلكونة تشاور لده
وتنادى على ده ......وتلاقيها هى اللى بتعاكس
كمان يخرب عقلك انتى وهى
بس العيب مش عليكى ............العيب على
البيه اللى قاعد جوه
*********
شويه والموضوع تطور تطور الى ان ارتفعت
حرارته..... خالص مالص
وبقت البنات ماشيه لابسة المحزق..... والملزق
*********
"والله الواحد مش عارف يقول ايه"
المهم .... قلنا معلش نظرا للظروف النفسيه
.....اللى هما فيها والعنوسه. .... والكلام ده
خلاهم يتلخبطوا ويتجننوا .........لان ما فيش
حد اتعمى فى نظره وبصلهم
فبقوا هما اللى بيعاكسوا ...... قالوا لما
نشوف يمكن ييجى منه
كمان دى وقلنا يلا ........معلش ازمة نفسيه
وهتعدى
********
المشكلة بقى الهدوم يا عينى......... كل
واحده مش طايقه هدومها وتلاقى لبسهم طول السنه صيفى
ارجع واقول ........معذورين حرام اصل الجو
برد ناااااااار
يعني لو مش لبست شتوي تعرق
درجة الحراره 50 تحت الصفر
يالهووووووي
********
تلاقيهم خارجين لابسين...... بديهات .......
وبنطلونات هتتفرتك من عليهم
البدى عمال يطلع والبنطلونات عماله تنزل
يا دوب البدى مغطى 2 سم
طيب مش خايفة على نفسك من الذئاب البشريه ولا
انتى خلاص بايعة القضية؟؟
قال ونرجع نعيط بعد كده ونقول........ الشباب
بيضايقونى
جتك قطع رقبتك انتى وهى......... والحته اللى
باينه من البدى دى
*********
الاجمل كمان على راى واحدة صاحبتى..... موضوع
الحلق اللى فى المناخير
يعنى مش مكفيكى اللى فى ودنك؟؟ ....طيب يارب
ياخد مناخيرك ويقع
ولا الخلخال بتاع تمر حنه .....اوه على
الشياكه
تلاقيها حاطه فى رجليها
ولا اجدع غازيه
طيب ما تروحى تشتغلى فى الموالد يا حبيبتى
انتى وهى
*********
لا والجميل بقى والارقى والاحدث.......
الشبشب الزنوبه
بتاع يا خارجة من باب الحمام......بقى موضه
اه والله تلاقى الواحدة من دول رجليها
مقشفة......... وصوابعها طول كده
وماشيه بالشبشب ورجليها عريانه طيب
........غطى العار اللى انتى مبيناه ده
*********
يا بنتى الموضه دى فى البيت........ ذنب
الناس يتعموا بالمناظر والروايح دى ليه؟
على العموم انا بطالب بوقف بيع الشباشب
الزنوبه
نظرا لسوء الاستخدام
وبفضل المشى حافيه القدمين " اقتباسا من
فيلم...حافيه على الجسر"
*********
انتى فاكره ان بكده حد هيبصلك ؟؟ ممكن يحترمك
ويقدرك ؟
ممكن
بس اعتقد انه
..............هيقدر صوابعك مش ........انتى خالص
سوري طولت عليكم
بقي بس اعمل ايه من الفقعه الي انا فيها والمناظر الي انا بشوفها كل يوم في
الشوارع
| |
|
