انا لاحظت فى الفترة الاخيرة عبارات بتتردد كتير وافكاار كمان فى نظرى ملهاش اى
اساس من الصحة وبينظلم فيها اطراف واهمها طبعا واللى قايم عليها الموضوع
( انا عايز واحدة تصونى واكيد متكونش كلمت حد قبليا ومحترمة و..و...الخ..الخ )
طيب وحضرتك بقى ممكن نبص على الجانب التانى :
اوصفلنا حياتك باختصار قبل ما تتشرط كل ده على اللى سيادتك عاوزاها تبقى ام عيالك
(انا شاب كويس بشتغل ....بشتغل ...وعندى شقة .. وعندى شقة ...)
يا ترى كلمت او عرفت بنات قبل كده
( اه طبعا كلمت ..عرفت منى وعطيات وفتحية وسوسن )
طب ليه مخترتش واحد منهم علشان تبقى ام عيالك
(لاء طبعا دوول بنات مش كويسين ....و..و...الخ)
طب مدام هم مش كويسين ليه اتعاملت معاهم اصلا
(ما هو الواحد لازم يكون عنده خبرات عادى الموضوع مش قضية انا حر )
......
..........
............. وهيستمر النقاش وهنوصل برده فى كل حاجة انى حر وانى راجل
طب والبنت المحترمة دى ليه متستحقش واحد زيها محترم
مش يجى واحد سواء محترم ولا ...والمهم انه يكون بيشتغل وعنده شقة وجاهز على
حد قول البعض وربنا يتمم بخير اهى بيعة لقت واحد يقدر يصرف عليها
هتقلولى البنت مش زى الولد واحنا مجتمعنا شرقى ماحنش فى اوروبا
طيب سؤالين كده على الماشى :
مجتمعنا شرقى اسلامى صح؟؟ اكيد
من امتى بقى الاسلام عطا الحق للراجل انه يعرف كذا واحدة
ومعاطاش للست ....
تقدروا تجاوبونى ..من امتى ؟؟؟؟
طوول عمر الاسلام بيساوى الراجل والست فى الحقوق والواجبات ليه بقى منتساوش فى دى
ياريت الناس متحطش معايير لواحدة مش من حقه ..اه مش من حقه ....
مدام عايزين واحدة كده خليكوا برده كده ولا صعب عليكو
محدش يزعل مني ده مش معناه ان احنا عايزين ننفتح لاوالله بس عشان كما تدين تدان والادب حلو
