على رأى الانسان الفنان اللى بيقول كلام هنعوزو الاستاذ حمبوزو لاوى بوزو
حوار انتشر انتشار رهيب فى الفتره الاخيره واللى هوا ليه كله بيعشم كله ؟؟؟
شاب بيتعرف شابه وطبعا ممكن يكون تعارف نت او غيره فى الجامعه او ايا كان
كلام فى التليفون سهر باليالى كلام بيجر كلاااااااااااااااام
وطبعا الكابتن اللى هوا الشاب بيقول كلام ولا فى الاحلام طبعا هوا بيلعب على الوتر الحساس واللى هوا اضعف حاجه فى البنت او فى اى انسان اذنيه والبنات زى ماحنا عارفين بيحبوا الكلام الحلو اوى يخلى البنت من دول اللى هوا يعرفها طبعا مش قادره تصدق نفسها وهتطير من الفرحه طبعا هوا حد لاقى شاب يتجوزه اليومين دول
مش دى المشكله المشكله هنا لما تيجى تخش فى الجد والبنت تقوله هتتقدملى امتى وهنا هب تلاقى المعلم بيعمل الملصه والبنت يا عينى مش كسبت غير كلام معسول جميل بيتعزف على اوتار الليل وكلامه اللى هوا مدهون بزبده ويطلع عليه النهار باى باى يسيح
دلوقتى شكلك ايه ادام الناس على رأى الاستاذ حمبوزو
