مطلعتش بمبي زي ماكانت فاكره ولا برضو زي ما بتقول سعاد حسني كنت كل ما بسمع اغنيه بمبي دي بحس ان الحياه ليها طعم تاني
طعم كده كله فرح وغني واصحاب ومناظر جميله وبس مفهوش النص الوحش الموجود كتير اوي الايام دي
طول عمري كنت فاكركي يادنيا بمبي . بمبي وبس من غير حزن وكائبه وجرح وظلم وجراح والكلام ده
كنت فاكركي حب وفرح وخروج واديني عايشه فيكي وكده تمام
مكنتش فكراكي غداره علي قد ما بتدي بتاخدي واكتر كمان
كنت ديما بشوف نص الكوبايه المليان الي يمكن مكنتش شايفه غيره
سمعت حكمه زمان قالها واحد حكيم قال مهما كان في الكوبايه ميه لازم نشوفها حتي لو كان الي في الكوبايه نقطه لازم نحيا بيها
لكن دلوقتي كلنا بنبص ع النص الفاضي ده ليه بقه؟
ياتري كتر جراح ولا الدنيا بقت وحشه ومليانه كدب وخيانه وظلم
والعيب في مين فينا احنا ولا هي
الناس الي بتقعد فتره صغيره في الدنيا وترحل
ولا العيب فيها هي الي احنا نبيجي ونمشي وهي موجوده
كنت بسمع كلمه زمان بتقول نعيب زماننا والعيب فينا وما لزماننا عيب سوانا
احنا كمان الي بقينا عيب زمانا ؟
ولا زمانا الي بقه عيب لينا ؟
