جحا وياميش رمضان
**********
بعد عناء يوم طويل فى العمل عاد جحا الى منزله مرهقا ومشغول البال
والسبب فى ذلك انه عاشق لياميش رمضان
ولكن نما الى علمه غلاء اسعاره هذا العام فعاد وفى نيته ان يصارح
ابنه بعجزه عن شرائه له
*********
فقال لة :
تعمل ايه لو فى جيبك ما فبببببش
وطلبتم منى لرمضان كام كيلو ياميش
تحارب الرشوة والاكرامية والبقشيش
*********
عارف انك هتطلب منى عين الجمل
هقولك خليك متفائل وعندك أمل
وتذاكر وتجتهد وربنا يوفقك فى عمل
**********
وآه لو طلبت منى فى يوم بندق
هقولك انت لدخلى كدا بتخنق
اجمل من كدا لما تتكلم تصدق
*********
بفرح ساعة ما البى طلباتك مهما تعوز
فخلى العمل السيئ عندك دايما منبوذ
وافرح لو جبت لك مشوى من الدرة كوز
وبلاش تحرجنى بطلب كيلو من اللوز
**********
بحبك وحبك معطر بالحنان والأمانى
وهقولك لو طلبت مكسرات منى تانى
ملكش عندى غير الفول السودانى
وانت عارف انى مش بخيل او انانى
*********
بس نفسى اشوفك بخير فى شهر الصيام
وقبل ما تفكر فى المكسرات وموائد الطعام
والمسلسلات والفوازير وحتى حفلات الخيام
عمر القلب بالايمان ونور الليالى بصلاة القيام
يفضلك فى قلبى المحبة والتقدير والاحترام
*********
