الحوار ده بيلعب فى دماغى بقاله يومين..,,
حوار التنفيض والبيع...يعنى الواحد ينفض لصحبه عشان حبيبته معاه
او العكس..البنت تنفض لصحبتها عشان حبيبها معاها...
التنفيض ده نوعين
تنفضيض المدى القصير ( كما اسميه انا )
لو فى الجامعه او المدرسه ...
البنت من دول تبقى متوهه خالث
ومش بتعمل حاجه غير انها تفكر فى اللى شاغل بالها
ولما صحبتها تنادى عليها
تلاقي كالعاده الكلمه المعروفه
(هااه)
مع البق المفتوح هههههههههههه
و معرفش الحكايه دى مع الولاد برده ولا ايه بس اكيد اه
لو عالنت مثلا
فين و فين ع ما تلقط كلمه من الشخص اياه...اللى مع حبيبه
ويااااه اما تيجى بقى الكلمه دى
تبقى بالضبط كلمه او اتنين حتى لو كنت
سألته هما اكتشفوا الذرة ازاى
وفى كلتا الحالتين بتلاقى العبارات والكلمات الساخطه ( اهى كلمه بقى هههه)
نزلت ع صحبك المتوه ده زى.....
(نفضلى نفضلى )... (ايوة ياعم) ...
(ماشيه معاك)...(يسهلوووو)
ده المدى القصير ....
عادى مفيهوش اى مشاكل وبصراحه معظم الاوقات
بيبقى الاصحاب هما اللى غلسين
وعايزين يرخموا ع حد من الاتنين دول
نيجى بقى للمدى الطويل ....
المدى الطويل ده بقى هو اللى شاغل بالى
بس عادى بنام يعنى ههههههههههههههه
لا ده مش هينفع اهزر فيه....
تلاقى المتوه من دول ممكن يضحى بأى حاجه عشان يرضى حبيبه
لدرجه انه ممكن يبيع صاحبه
حتى لو من اعز صحابه عشان يرضى حبيبه
للدرجادى التضحيه ممكن تكون قاسيه؟؟؟
انا مش بقول منضحيش....
لازم نضحى...بس مش بأعز صحابنا..
يا عم اعمل حساب العشرة والحلوة والمرة...
ازاى اضحى بحد من اصحابى عشان ارضى اللى بحبه؟؟
حتى لو بسبب او من غير سبب...
مجرد ان حبيبى مش مرتاح للشخص ده
يبقى خلااص انسى كل حاجه بينا وابيعه...
.طب اللى طلب منى كده ده
مفكرش انى لما ابيع اغلى الناس عليا قبل ما اشوفه وبكل سهوله كده
مش ممكن ابيعه هو عشان حاجه تانيه؟؟
طب لو انا طلبت منه نفس الطلب...
هل هيوافق يبيع كده؟؟
ها بقى ...
لازم احط اسئله بقى بس اعمل ايه الموضوع يتطلب منى ذلك
ممكن تضحى باعز صحابك عشان الطرف التانى طلب كده؟؟
هل ممكن تطلب من الطرف التانى انه يبيع؟؟
طب لو افترضنا انك طلبت الطلب ده...هتطلبه ليه؟؟
بس كده ويارب مش اكون طولت .... كبت بقى بعيد عنكوا
