هل فعلا حد ممكن يلعب فى دماغك ؟؟ هل يقدر انه يغير طريقة تفكيرك او نظرتك لشيء معين ؟ وهل ده خطر موجود وسطنا ولا بعيد عننا ؟
للاسف انا اقدر اقولك انه من السهل جدا ان حد يلعب فى دماغك وخصوصا لو كنت شخص قليل المعرفة .اومالكش فى القراءة .المهم انه بيحصل .
دي حاجة \
\
انا زى اى شاب فى مرحلة العشرينات من عمره الزاهر الواعر بتبدأ تتكون عنده افكار و تصورات و قناعات واقتتناعات بما يدور حولة من امور واحداث .و بشوف الامور من منظوري الخاص . اكيد متأثرا بالطريقة اللى اتربيت بيها.المهم عشان ماطولش عليكم فى الحر ده .انا كنت قاعد فى امان الله وامانته. وفجأة دخل عليا المخفى حسنين .. يادي اليوم االلى مش باين له كونكشن ..طبعا ده حسنين يعنى لازم يدخل ضارب البووز التمام و قافل حاوجبه تمنيات ومشلضدم شلاضيمه وقرفان من عيشته .. ودي تقريبا حالته من ساعة ما قالى انا عايز افهم فى السياسة.واخد منى كام كتاب عشان يقراهم.
انما قبل ما يفهم والله كان ابن نكته و صاحب قفشة خفيفة ومالوش فى الألش .
دخل المخفى حسنين وفجأة تعبأ المكان كله بكآبة اعرف اولها - وش حسنين المكفهر- ولا اعرف اين اخرها .
- خير يا حسنين . ايه اللى جابك الساعة دي؟ احنا مش كنا لسه ع القهوة .
- وحياة ابوك يا جمعاوى سيبني فى حالى , انا اللى فيا مكفيني .
- مالك ياحسنين .انت سقط فى تالتة تالت .
- يا ساتر على لسانك.يا عم احنا فى ايام مغترجة.ان شاء الله هعدى السنة دي.
- امال مالك .خنقنتني ..ماتتكلم .
- اصل .انا حسيت فجأة انى اضربت على قفايا؟!!
- مين اللى ضربك . الواد منفاخ العجلاتي .ولا سنجة الحداد.
- ايه يا عم اسامى كرومبو دي .. لا طبعا هو انا هنزل لمستوى الرعاع دول .
- رعاع .. طيب .. اماال مال .... ما تعصبنيش وقول مين اللى ضربك على قفاك .
- انا فجأة حسيت انى كنت مخدوع كله بيكدب على كله .. وكل الصحافة والاعلام كلهم كدابين وشغالين مع الحكومة.
- معلش يا حسنيين ياحبيبي .. ممكن اسألك سؤال .هو انت قريت كتاب " نظرية المؤامرة و الدائرة الكاملة " قبل ما تقرا كتاب " ريح الشرق " ؟؟
- بصراحة أه
فجأة صرخت فى حسنين بصوت مرتفع و بعصبية لم يتعودها منى :هو انا كلامي مابيتسمعش ليه .. يعني انا غلطان انى اديتك الكتاب عشان تفهم وتبقى بني أدم .
- معلش والله ..اصل الكتاب شدني اوى ..
- يا فالح انت كده مش هتعرف تعيش .هتفضل تشك فى كل واحد واى حاجة.وطبعا لازم تحس بعد كده انك بتضرب على قفاك وان كل الناس بتكدب عليك سواء فى الصحافة او الاعلام او الحكومة و هتحس ان الدول دي عبارة عن منظمات صغيرة فى عصابة دولية كبيرة يحكمها زعيم عظيم من اصول لا دينية ماسونية تكونت منذ الازل البعيد وفى زمان سابق سحيق .
المهم انهيت حواري مع حسنين المخفى .. وانا مازلت حائرا فكلامه وكلامي معه .
هل هذا الكتاب صحيح ..وهل حقا ان هؤلاء الناس من حولنا الذين يحاولون ان يمثلوا ادوار الوطنية والتعبير عن الناس والامهم هم فعلا يشعرون ويؤمنون بما يقدمون من برامج ام هى فقط سبوبة .انهم يحاولون ان يوهمونا بايحاءات ساحرة تدخل عقولنا بسرعة تجعلنا نصدق انهم فى صفنا .. ثم يدسون لنا سموما فى عسلهم .
انا كنت قديما اقول انه يجب عليا ان استمع الى الجميع الى المعارضة والى الحكومة الى المنافقين والى الوطنيين .والى كل الاتجاهات .ولكن بعد فترة من الزمان بدأت اشعر ان كمية الكدب التى اتلقاها كل يوم اصبحت اكبر من طاقتى .فقررت الا استمع الى اى شخص اشك فى مصداقيته فاصبحت لا استمع تقريبا الى اى شخص .الامر ازداد سوءا هذة الايام بعد ان اصبحنا نعرف الاخبار من خلال اشخاص .قد تختلف اهواءهم وميولهم
اصبح اللعب فى ددماغ الشعب هذة الايام .. بدلا للسحر فى عصر فراعنة مصر فى سابق العصر والاوان ..
