بسم الله والصلاة والسلام على رسول الله
السلام عليكم ورحمة الله وبركاته
ليه احنا مش بنصلى ؟؟
مش هقولك ...
أنت مبتصليييش ليييييييييييه ؟؟
مش هقولك مبتقرأس قران ليه ...
مش هقولك مش بتصوم ليه ..
مش هقولك بتعمل الذنوب ليه ..
يعنى مش هقولك بتسمع أغانى ليه ..
ومش هقولك بتحطى وبتحط صورة رمزية بتركبك
ذنوب جارية لحد يوم القيامة رغم انك عارف وعارفة ليه ..
عارفين مش هقولكم ليه
ببساطة لانى مش جارى من كوكب تانى
لانى عارف ليه ومجرب
لما بتعوز تصلى بتحس بخنقة وضيق فى الصدر
وانك ملكش مزاج وان فية قوة خفية بتمنعك
ودا بيبقى شعور خنيق جدا
لما بتعوز تقرأ قران بتبقى مش طايق
ومش عايز وملكش مزاج تمسك مصحف
وان مسكتة وقريت بتتخنق بسرعه
ومش بتقدر تكمل
{فَمَن يُرِدِ اللّهُ أَن يَهْدِيَهُ يَشْرَحْ صَدْرَهُ لِلإِسْلاَمِ وَمَن يُرِدْ أَن يُضِلَّهُ يَجْعَلْ صَدْرَهُ ضَيِّقاً حَرَجاً كَأَنَّمَا يَصَّعَّدُ فِي السَّمَاء ... }
كل دا حسيت بيه وعانيت منه
شعور قاسى جدا
خصوصا يا جماعة لو جه بعد ما كنت بتصلى وبتطيع ربنا
وفجأة او بالتدريج يحصلك الشعور دا
بيكون اصعب بكتير لو انت اصلا طول عمرك كدا
هحكيلكم تجربتى ومنها تقدر نطلع انا وانتم بدروس مستفادة
إن شاء الله
الحمدلله انا توبت وانتكست مرتين يعنى بقيت خبرة ههههه
لما حسيت بالشعور دا .. بالضيق والخنقة ناحية الصلاة والطاعات
حسيت انى مسجووون ومتكتف ومفيش فى ايدي حيلة
مفيش طريقة او حاجة اعملها ..
مخنووووق جدا انى بسمع الاذان مش بقدر أقوم اصلى
وفى نفس الوقت مش قادر... القوة الخفية اللى بتسيطر عليك
ساعة لما تعوز تصلى والخنقة وان الصدر يتقفل ويضيق ..
حسيت ساعتها اد اية انا ضعيف وعاجز جدا جدا جدا
كأن ربنا بيقولى انت انسان ضعيف عاجز من غيرى
..
...
طبعا انا صحيح مكنتش بصلى وكنت بعمل معاصى صحيح
لكن المرادى وبعد الانتكاس التانى كان فية سؤال مسيطر عليه دايما
-ودا بفضل الله- وهو سؤال ليه الشخص بيتوب وبينتكس
ولية بيتوب أصلا .. طب ولية فية ناس بتفضل مش بتنتكس ..
ولية فية ناس بتنتكس بعد التوبة .. ولية ناس بتعيش وتموت ع المعصية ؟
كل دى اسئلة كانت بتدور فى دماغى (انا دلوقتى فى فترة انتكاس)
طيب قولت ابحث وادور فعلا فضلت فترة ابحث وادور
لحد ما ربنا وفقنى وقدرت بإعانة ربنا مش بشطارة منى
انى ارجع واحدة واحدة
..
طيب ازاى ؟؟
دا اللى هنعرفة بعد الفاصل ان شاء الله ...
