ما يكتب على السرفيس و التكسي
عاشر السبع ولو أكلك ولا تعاشر الندل ولو حملك
....
ميلي على ميالك أبو عبدو خيالك
لا تشوفني عم أتدرج ... دوبلني واتفرج
!!!
عشقت السفر من ظلم البشر
بحبك جكر بالناس
لا تلحقني مخطوبة
لولا المصالح ما حدا صالح
ما طار طير وارتفع إلا كما طار وقع
مكتوب على المرايا مخصص للصبايا
بس للحلوين
لاتسرع يا بابا نحن بانتظارك
دلوعة أبو حبيب
يا رضا الله ورضا الوالدين
يصطفلوا
!!
عين الحسود فيها عود
سارحة والرب راعيها
يا ناظري نظرة حسد شكيتك لواحد أحد
أنا السوزوكي بغني و اسألوا الكيا عني
ذكرى دمعه على صلعة
مر و عدي و بلا تحدي
الرصاصة التي لفت الكوع
عاشق النبي يصلي عليه
يا جبل ما يهزك ريح
يلي يهوانا يصبر على بلوانا
لا تجحش محسوبك أجحش
..
دايما دموع
...
((((((((و أما الآثار و الصمديات الموجودة على التابلو)))))))
:
عناقيد عنب بلاستيك
مسبحة زرقة أو حمرة
قلب بيطفي و بيشعل مكتوب عليهI love you
قطعة فخار (مكسورة) مكتوب
عليها الله & محمد
علبة محارم من الصدف أو الخرز الأزرق
فوتيس محطوط
عليه جراس صغيرة كل ما يغير برنو
كاسة فاضية مدبئة علقان فيها الشاي بدو
أسيد حتى يروح
فردة بوط و لد صغير (مشان العين
(
أما و الشيئ الأكثر أهمية فهو:
كلب صغير كان لونه أبيض هلأ صار يا رمادي يا أسود (من النضافة) بهز راسو
بطريئة أستفزازية
والزلمة ما بحب يحس حالو بغربة لذا :
صورتو أمام السيارة بأخر شخاص
صورة بنتو الصغيرة
صورة مع الأصدقاء أو العائلة بين الحشيشات و الخضار مكتوب تحتها ذكرى
يوم الجمعة على بسيمة أنا و العائلة الكريمة
مع الاحترام لكل اخوانا السوريين
